Admin
اسلام آباد ( ویب ڈیسک آن لائن ) پاکستان کے حالات آہستہ آہستہ بدلنے لگے ترقی کی نئی راہیں کھلنے لگیں پاکستان سٹاک ایکسچینج نے 16 سال بعد آ ج کے دن ایک اہم سنگ میل عبور کر لیا ۔ تفصیلات کے مطابق پاکستان سٹاک ایکسچینج میں کاروبار کے دوران ایک ارب سے زائد
شیئرز کا لین دین ہوا ، آج مجموعی طور پر ایک ارب ایک کروڑ 19 لاکھ 10 ہزار 450 شیئرز کی خرید و فروخت کی گئی ۔ پاکستان میں ایک ارب سے زائد شیئرز کا کاروبار 16 سال بعد ہوا ہے ، اس سے پہلے فروری 2008 میں ایک ارب آٹھ کروڑ شیئرز کا کاروبار ہوا تھا ۔ آج سٹاک ایکسچینج 46 ہزار 644 پوائنٹس پر بند ہوئی ۔ اور اس میں 27 ارب 29 کروڑ 87 لاکھ روپے کا لین دین ہوا ۔ اسی حوالے سے وزیر اعظم کے ترجمان ڈاکٹر شہباز گل کا کہنا ہے کہ ’’اللہ کا شکر اور محمد مصطفےٰ ﷺ کے صدقے ، عمران خان کی قیادت میں پاکستان کی اکانومی دن بدن بہتر سے بہتری کی طرف گامزن ۔ آج 16 سال کے بعد سٹاک ایکسچینج کا حجم 1 ارب سے بڑھ گیا ۔ وزیراعظم عمران خان کی نیت صاف ، ہر فیصلہ ملک کی بہتری سامنے رکھ کر کیا جاتا ہے ۔ انشاللہ اچھے دن سامنے ہیں‘‘۔
