Admin
دبئی (نیوز ڈیسک) غیر ملکی جریدے کے آن لائن سروے میں 86 فی صد سے زائد پاکستانیوں نے 2023 کے عام انتخابات میں بھی پاکستان تحریک انصاف کی حمایت کے حق میں رائے دی ہے۔ خلیج میگزین نامی ادارے نے سوشل میڈیا ویب سائٹ پر ایک سروے کیا جس میں صارفین سے سوال کیا گیا
تھا کہ وہ 2023 میں ہونے والے آئندہ انتخابات میں کس سیاسی جماعت کی حمایت کریں گے؟اس سوال کے جواب میں سب سے زیادہ 86 اعشاریہ 9 فیصد جواب دہندگان نے حکمران جماعت تحریک انصاف کے حق میں رائے دی۔ اس سروے پول میں 6 اعشاریہ 6 فی صد جواب دہندگان نے پاکستان مسلم لیگ ن، 4 اعشاریہ 7 فی صد نے پاکستان پیپلز پارٹی اور 1 اعشاریہ 8 فی صد نے جمیعت علمائے اسلام کے حق میں رائے دی ۔ اس سروے میں اپوزیشن کی تمام بڑی جماعتیں مجموعی طور پر 15 فی صد رائے دہندگان کی حمایت بھی حاصل نہیں کر سکیں۔ مجموعی طور پر اس آن لائن سروے میں 42 ہزار 179 سوشل میڈیا صارفین نے اپنی رائے کا اظہار کیا۔ سوال کے جواب میں سب سے زیادہ چھیاسی اعشاریہ نو فیصد جواب دہندگان نے حکمران جماعت پاکستان تحریک انصاف (پی ٹی آئی) کے حق میں رائے دی ۔ اس سروے پول میں چھ اعشاریہ چھ فی صد جواب دہندگان نے پاکستان مسلم لیگ ن، چار اعشاریہ سات فی صد نے پاکستان پیپلز پارٹی اور ایک اعشاریہ آٹھ فی صد نے جمیعت علمائے اسلام کے حق میں رائے دی۔
