in

عالم اسلام کے عظیم رہنما کی حالت تشویشناک،عوام سے دعاوں کی اپیل

عالم اسلام کے عظیم رہنما کی حالت تشویشناک،عوام سے دعاوں کی اپیل

کوالا لمپور (نیوز ڈیسک) ملائیشین سابق وزیراعظم مہاتیر محمد کو تشویشناک حالت میں دوبارہ ہسپتال میں داخل کرا دیا گیا ہے۔

واضح رہے کہ اس سے قبل بھی مہاتیر محمد کو 7 جنوری سے ہسپتال میں داخل کرایا گیا تھا جس کے بعد انہیں 13 جنوری کو ہسپتال سے فارغ کیا گیا تھا۔

غیر ملکی میڈیا کے مطابق 96 سالہ سابق وزیراعظم کو دل میں تکلیف کے باعث کوالالمپور میں قومی ادارہ برائے امراض قلب میں دوبارہ منتقل کیا گیا ہے جہاں ان کی حالت تشویشناک بتائی جا رہی ہے۔

ملائیشین میڈیا کے مطابق 96 سال کی عمر میں قابل رشک صحت کے حامل رہنما کی علالت کی خبر سن کر ہزاروں کی تعداد میں ان کے حامی ہسپتال کے باہر جمع ہوگئے۔

ہسپتال کے ترجمان نے بتایا کہ سابق وزیراعظم کو سینے میں درد کی شکایت پر لایا گیا اور کورونری کیئر یونٹ میں ان کا علاج جاری ہے۔

مہاتیر محمدکی بیٹی مرینا مہاتیر کا کہنا ہے کہ ان کے والدکی حالت بہتر ہے اور وہ علاج کے بعد بہتر ردعمل دے رہے ہیں۔

انہوں نے مہاتیر محمدکی جلد اور مکمل صحت یابی کے لیے لوگوں سے دعاؤں کی درخواست کی ہے۔

دو مرتبہ ملائیشیا کے وزیراعظم رہنے والے مہاتیر محمدکا پہلا ہارٹ بائی پاس 1989 اور دوسرا 2007 میں ہوا تھا لیکن وہ ان سرجریوں کے بعد بھی سیاست میں سرگرم رہے۔

انہوں نے پہلی بار 1981 میں اقتدار سنبھالا اور 22 سال بعد 2003 میں ریٹائر ہونے پر ملک میں سب سے طویل عرصے تک رہنے والے وزیر اعظم بنے، 2016 میں مہاتیر محمد ایک بار پھر سیاست کے میدان میں آئے اور اپنی نئی جماعت بنائی، دیگر ہم خیال جماعتوں سے انتخابی اتحاد کیا اور ایک بار پھر وزارت عظمیٰ کا عہدہ سنبھالا، تاہم اندرونی اختلافات کے بعد فروری 2020 میں وہ عہدے سے مستعفی ہوگئے۔

Share

Written by Admin

Sahil Aqeel is a passionate Web Blogger | Digital Marketer | Copywriter.

Sahil loves animals.

Leave a Reply

Your email address will not be published. Required fields are marked *

آمدِ رمضان مرحبا مرحبا!! ! پاکستان میں پہلا روزہ کب ہوگا؟

معروف بھارتی اداکار چل بسے! فلم انڈسٹری میں سوگ کا سماں