قیامت خیز گرمی میں 10 تاریخ کو سورج کو کیا ہونے والا ہے پوری دنیا کی توجہ مرکوز ہوگئی

کراچی (مانیٹرنگ ڈیسک) رواں سال کا پہلا سورج گرہن 10 جون کو ہوگا تاہم اس کا نظارہ پاکستان میں نہیں کیا جاسکے گا ۔ ماہر فلکیات اور ڈائریکٹر انسٹیٹیوٹ آف اسپیس سائنس اینڈ ٹیکنالوجی جامعہ کراچی پروفیسر ڈاکٹر جاوید اقبال کے مطابق سورج گرہن روس ، گرین لینڈ ، شمالی کینڈا ، شمالی ایشیا ، یورپ اور امریکا میں دیکھا جاسکے گا ۔ ڈاکٹر جاوید اقبال کے مطابق سورج گرہن پاکستانی وقت کے مطابق دوپہر 1 بجکر 12 منٹ پر ہوگا ، 3 بجکر 42 منٹ پر سورج گرہن اپنے عروج پر ہوگا جب کہ 4 بجکر 34 منٹ پر سورج گرہن ختم ہوجائےگا ۔ ماہر فلکیات ڈاکٹر جاوید اقبال کا کہنا ہے کہ سورج گرہن دوران رنگ آف فائر دیکھا جائے گا۔ دوسری طرف گرمی کے ستائے ہوئے عوام کے لئے ایک شاندار خوش خبری آ گئی ہے مغرب کی جانب سے کم ہواؤں کے بادلوں کا سلسلہ پاکستان میں داخل ہو گیا ہے ۔ محکمہ موسمیات کے مطابق لاہور سمیت پنجاب بھر میں تیز ہواؤں کے ساتھ بارش کا امکان ہے۔ بارشوں اور تیز ہواؤں کا سلسلہ تین روز تک جاری رہے گا ، بارشوں سے درجہ حرارت میں کمی ہوگی۔