ملازمین کے الاؤنٹس میں 12ہزار روپے کا اضافہ ۔سپریم کورٹ نے سرکاری ملازمین کو خوشخبری سنادی ،موجاں ہی موجاں

اسلام آباد(نیوز ڈیسک) چیف جسٹس پاکستان نے سپریم کورٹ ملازمین کے یوٹیلیٹی الاؤنس

میں اضافے کی منظوری دے دی۔ رجسٹرار سپریم کورٹ نے گریڈ کے حساب سے الاؤنس بڑھانے کا نوٹیفکیشن جاری کردیا۔ نوٹیفکیشن کے مطابق گریڈ ایک سے 6 تک

کے ملازمین کا الاؤنس 4500 سے بڑھاکر 6 ہزار روپے کردیا گیا جب کہ گریڈ 7 سے 10 تک کے ملازمین کا الاؤنس 6 ہزار سے بڑھا کر 8 ہزار روپے کردیا گیا ہے۔اسی طرح

گریڈ 11سے 15 تک کے ملازمین کا الاؤنس 6 ہزار سے بڑھا کر 12 ہزار اور گریڈ 16 سے 22 تک کے تمام ملازمین کا الاؤنس ڈبل کردیا گیا ہے۔ نوٹیفکیشن کے مطابق سپریم کورٹ ملازمین کے بڑھائے گئے الاؤنس کا اطلاق یکم مارچ 2021 سے ہوگا۔