ملک بھر میں تمام تقریبات پر پابندی کا نوٹیفکیشن جاری

اسلام آباد (نیوز ڈیسک آن لائن) کورونا سے نمٹنا کا مشن جاری ۔ نیشنل کمانڈ اینڈ آپریشن سینٹر (این سی او سی) نے ملک بھر میں ان ڈور اور آؤٹ ڈور تقریبات پر پابندی کا نوٹیفکیشن جاری کر دیا ۔ این سی او سی کی جانب سے جاری نوٹیفکیشن کے مطابق ایسے شہر یا اضلاع جہاں تین دن تک مسلسل کو رونا کے مثبت کیسز کی شرح 8 فیصد یا اس سے زیادہ ہو گی وہاں 5 اپریل سے شادی کی تقریبات پر مکمل پابندی عائد ہو گی تاہم صوبے مقامی صورتحال دیکھتے ہوئے پا بندی کا جلد فیصلہ بھی کر سکتے ہیں ۔ نوٹیفکیشن میں کہا گیا ہے کہ تمام اِ ن ڈور اور آؤٹ ڈور تقریبات پر بھی فوری طور پر پابندی نافذ العمل ہو گی جب کہ این سی او سی 29 مارچ سے صوبوں کو لاک ڈاؤن کے نفاذ کے لیے کو رونا کا ‘ہاٹ اسپاٹ نقشہ’فراہم کرے گی ۔