Admin
ہر انسان کی زندگی میں اپنی پسند ہوتی ہے لیکن بعض اوقات ایسی چیزیں پسند آجاتی ہیں جو دوسروں کیلئے انتہائی حیران کن ہوتی ہیں اور ایسا ہی کچھ بھارتی اداکارہ عالیہ بھٹ کیساتھ ہے جنہوں نے اعتراف کیا ہے کہ وہ صرف مردانہ پرفیوم استعمال کرتی ہیں ، خوشبو
انہیں دیوانہ کر دیتی ہے اور اگر کسی لڑکے نے اچھی خوشبو استعمال کی ہو تو وہ فوری متاثر ہوتی ہیں ۔ عالیہ بھٹ کی طرح کرینہ کپور خان کی عادت بھی بھلانے کے قابل نہیں ، انہیں اپنے ہی ناخن چبانے کی عادت ہے جس کی وجہ سے بعض اوقات انہیں پارٹیوں میں احساس کمتری بھی ہوتا ہے ۔ بالی ووڈ اداکار شاہد کپور کافی کے عادی ہیں اور وہ روزانہ تقریباً10کپ کافی پیتے ہیں ۔ بالی ووڈ کنگ شاہ رخ خان جوتوں کے جنون میں مبتلاءہیں ، اپنے ایک انٹرویو میں انہوں نے بتایا کہ وہ دن میں ایک ہی بار جوتے پہنتے ہیں اور بعض اوقات تو وہ جوتوں سمیت ہی سو جاتے ہیں ۔ سلمان خان کو گاڑیوں کا بہت شوق ہے ان کے پاس دنیا کی مہنگی سے مہنگی گاڑی موجود ہے جب بھی کوئی نئے ماڈل کی گاڑی آتی ہے تو سلمان اسے ضرور خریدتے ہیں۔
