کچھ دن قبل جیسے پاکستان میں بجلی کا بڑا بریک ڈاؤن ہوا، بالکل ایسا ہی بریک ڈاؤن 1994ء میں لاس اینجلس میں بھی ہوا تھا

کچھ دن قبل جیسے پاکستان میں بجلی کا بڑا بریک ڈاؤن ہوا، بالکل ایسا ہی بریک ڈاؤن 1994ء میں لاس اینجلس، امریکہ میں بھی رات کے وقت ہوا تھا۔ اُس رات 4 بجے زلزلے کے باعث پورے لاس اینجلس میں بجلی بند ہوگئی تھی، لوگ زلزلے کی وجہ سے بوکھلا کر جب گھروں سے

باہر نکلے تو انہوں نے آسمان پر ایک عجیب منظر دیکھا اور خوفزدہ ہوکر 911 پہ ایمرجنسی کالز ملانا شروع کر دیں۔ ان کے خوفزدہ ہونے کی وجہ بہت حیرت انگیز تھی، تمام افراد کا دعویٰ تھا کہ انہیں آسمان پہ عجیب و غریب بادل نظر آ رہے ہیں ، جب تحقیق کی گئی تو معلوم ہوا کہ لاس اینجلس کے لوگ پہلی بار آسمان پر ملکی وے کہکشاں کو دیکھ رہے تھے۔ ان کو پتا نہیں تھا کہ رات کو آسمان ایسا بھی دکھائی دیتا ہے ، جس وجہ سے وہ آسمان پر پھیلے اس بادل سے خوفزدہ تھے ۔ آج بھی آدھی سے زائد دُنیا رات کے وقت مصنوعی روشنیوں کی وجہ سے آسمان پر یہ نظارہ دیکھنے سے محروم ہے ۔ یہ بادل گرمیوں میں روز آسمان پر دکھائی دیتے ہیں جبکہ زمین کے سورج کے گرد چکر لگانے کی وجہ سے سردیوں میں یہ بادل سورج کے پیچھے چھپ جاتے ہیں ۔ ان بادلوں کو دیکھنے کے لیے ضروری ہے کہ آپ شہر کی روشنیوں سے سو کلومیٹر دور کسی گاؤں میں موجود ہوں ۔ اگر ایسا بریک ڈاؤن کبھی گرمیوں میں ہوا تو امید کی جاسکتی ہے کہ پاکستانی عوام بھی آسمان پر یہ دیوہیکل بادل دیکھ سکے گی ۔