Admin
الاباما میں علاج حیوانات کی طالبہ کو انوکھی دھوکہ دہی پر گرفتار کر لیا گیا ہے۔ یہ طالبہ گھوڑوں کے مالکان سے علاج کے نام پر اُن کے بوڑھے گھوڑے حاصل کرتی اور انہیں مذبح خانوں میں فروخت کر دیتی۔ یہ طالبہ گھوڑوں کے مالکان کو یقین دلاتی کہ اُن کے گھوڑے فارم میں
اپنی بقیہ زندگی سکون سے گزاریں گے. 24 سالہ فیلون
بلیک وڈ اپنے تعلیمی پس منظرکی وجہ سے گھوڑوں کے مالکان کا اعتماد حاصل کر لیتی، جو اپنے بوڑھے گھوڑوں کی دیکھ بھال نہیں کر سکتے تھے۔ وہ اپنے شکاروں کو کہتی کہ بواز، الاباما میں اس کا 18 ایکڑکا فارم ہے، اگر بوڑھے گھوڑے اس کے حوالے کر دئیے جائیں تو وہ ان کا خیال رکھ سکتی ہے لیکن گھوڑے خریدنے کے لیے اس کے پاس پیسے نہیں ہے۔ گھوڑے ملنے کے بعد بلیک وڈ مبینہ طور پر انہیں میکسیکو کے مذبح خانوں کو فروخت کر دیتی۔ علاج حیوانات کے تیسرے سال کی طالبہ نے اب تک 50 کے قریب گھوڑوں کو غائب کیا ہے۔ بلیک وڈ کو ہفتے کے روز گرفتار کیا گیا تھا لیکن اس نے فورآ 15 ہی ہزار ڈالر کی ضمانت پر رہائی حاصل کر لی۔ اس کے کالج، ٹسکیگی کالج آف وٹرنری میڈیسن کے طلبا نے میڈیا کو بتایا کہ بلیک وڈ کو کالج میں دیکھا گیا ہے۔ مئی میں اسے گریجویشن کی ڈگری مل جائے گی۔ ۔
