Breaking News
Home / پاکستان / بچوں کو پھر سے طویل چھٹیاں دینے کی تیاریاں! وفاقی وزارت تعلیم کا بڑا فیصلہ، تمام صوبوں کو مراسلہ بھجوا دیا

بچوں کو پھر سے طویل چھٹیاں دینے کی تیاریاں! وفاقی وزارت تعلیم کا بڑا فیصلہ، تمام صوبوں کو مراسلہ بھجوا دیا

اسلام آباد (ویب ڈیسک ) وفاقی وزرات تعلیم نے تعلیمی اداروں کی بندش کے حوالے سے مراسلہ تیار کرلیا۔ تفصیلات کے مطابق صوبائی حکومتوں کو بھجوائے گئے مراسلے میں تعلیمی اداروں کی بندش کے حوالے سے مختلف تجاویز پیش کی گئی ہیں ۔وزارت تعلیم کی جانب سے پہلی تجویز یہ دی گئی ہے کہ تعلیمی ادارے 24 نومبر سے 31

دسمبر تک بند رکھے جائیں، دوسری تجویز یہ دی گئی ہے کہ تعلیمی اداروں کو اگر 24 نومبر سے بند نہیں کیا جا رہا تو پرائمری سکولوں کو 24 نومبر سے بند کردیا جائے ۔ 2 دسمبر سے مڈل سکولوں کو بند کردیا جائے اور 15 دسمبر سے ہائیر سیکنڈری سکولوں کو بند کردیا جائے ۔دوسری جانب وفاقی وزیر تعلیم شفقت محمود نے کہا ہے کہ تجویز زیر بحث ہے کہ سلیبس کو کم اور گرمیوں کی چھٹیوں کا ختم کر دیں یا اکیڈیمک سال آگے کر دیں لیکن ملک میں مہلک وباء کی پھیلتی صورت میں بچوں کی صحت کیساتھ کوئی سمجھوتہ نہیں ہوگا ۔ وفاقی وزیر کا مزید کہنا تھا کہ پاکستان میں نصاب کو ایک کرنے کی کوشش کررہے ہیں۔ لوکل گورنمنٹ کا سسٹم تیار ہو تے ہی نافذ کر دیا جائے گا ۔ دوسری طرف بلوچستان حکومت پہلے ہی سردیوں کی چھٹیوں کا علان کر چکی ہے۔ وفاقی وزارت تعلیم نے پچھلے اجلاس میں بھی سکولوں کو بند کرنے کی تجویز دی تھی لیکن صوبوں نے اس تجویز سے اتفاق نہیں کیا صوبوں کا کہنا تھا کے پہلے ہی بچوں کی تعلیم کا بہت نقصان ہوچکا ہے۔لیکن پھر اتفاق کیا گیا کہ کرونا کی صورتحال دیکھ کر اگلے اجلاس میں حتمی فیصلہ کیا جائے گا۔

Share

About admin401

Check Also

چیچہ وطنی میں محمد اسلم نامی ایک شخص کا جنازہ ادا کر کے دفنا دیا گیا لیکن اگلے ہی دن’’ مردہ ‘‘گھر واپس لوٹ آیا ، تفصیلات سامنے آتے ہی پورا علاقہ حیران رہ گیا

چیچہ وطنی میں محمد اسلم نامی ایک شخص کا جنازہ ادا کرکے دفنا دیا گیا …

Leave a Reply

Your email address will not be published. Required fields are marked *

Powered by themekiller.com