Milat News Milat News is one of fastest growing social media news network of Pakistan
Related Articles
نیویارک (نیوز ڈیسک) الو کے بچے ہمیشہ اوندھے منہ سوتے ہیں مگر اس کی وجہ کوئی نہیں جانتا تھا ۔ ان دنوں انٹرنیٹ پر ایک ویڈیو کی دھوم مچی ہوئی ہے جس میں بالآخر اس کی وجہ بتا دی گئی ہے ۔ انڈیا ٹائمزکے مطابق یہ ویڈیو معروف صحافی و مصنف مارک ریس
نے اپنے ٹوئٹر اکاﺅنٹ پر پوسٹ کی ہے جس میں الو کے ایک بچے کو اوندھے منہ سوتے ہوئے دکھایا گیا ہے۔ ویڈیو کے کیپشن میں مارک ریس بتاتے ہیں کہ ”مجھے ابھی ابھی معلوم ہوا ہے کہ الوکے بچے اوندھے منہ کیوں سوتے ہیں۔“مارک ریس لکھتے ہیں کہ ”اس کی وجہ یہ ہے کہ الو کے بچوں کا سر بہت وزنی ہوتا ہے لیکن اس کی مناسبت سے ان کا جسم بہت کمزور اور لاغر ہوتا ہے جوان کے سر کا وزن نہیں اٹھا پاتا۔ یہی وجہ ہے کہ الو کے بچے اوندھے منہ سوتے ہیں۔“ مارک ریس کی یہ ویڈیو تیزی سے وائرل ہو رہی ہے اور صارفین اس پر بھانت بھانت کے تبصرے کر رہے ہیں۔ ایک صارف نے لکھا ہے کہ ”آپ کی ٹویٹ معلوماتی بھی ہے اور افسردہ کر دینے والی بھی۔“ کئی لوگوں کا کہنا ہے کہ اس ٹویٹ کے بعد وہ الوﺅں کے متعلق گوگل پر سرچ کر رہے ہیں جو انہوں نے زندگی میں پہلے کبھی نہیں کیا۔
